Партнерската терапија е патување на двајца партнери кон подобрување на нивната врска, зголемување на задоволството од врската и наоѓање на хармонија. Без разлика дали се соочувате со комуникациски проблеми, конфликти, осаменост во врската, недостаток на интимност или кај вас се случуваат големи животни промени, партнерската терапија е тука да ви помогне заедно да ги надминете предизвиците.
Во партнерската терапија, вие и вашиот партнер ќе работите заедно со стручен терапевт за да ги истражите вашите чувства и да ги подобрите вашите односи. Сесиите нудат безбедно место каде што партнерите можат отворено да ги изразат своите мисли, чувства, недоразбирања, минати искуства и трауми, потреби и желби. Терапевтот ќе ве води низ процесот на подобрување на комуникацијата, решавање на конфликтите, зголемување на блискоста и наоѓање на здрави обрасци на функционирање со кои ќе ја зголемите отпорноста и ќе научите да “пливате” низ промените кои доаѓаат.
Со заеднички напори преку партнерската терапија, тука сум да ви помогнам да го најдете патот до подобро разбирање и поголема хармонија во вашата врска.
